Cynnig Cymraeg
Mae'n bleser gennym gyhoeddi fod Cynnig Cymraeg Adain wedi ei dderbyn a'i gymeradwyo gan Gomisiynydd y Gymraeg.
​
Cynnig Cymraeg yw cydnabyddiaeth gan Gomisiynydd y Gymraeg i sefydliadau sydd wedi creu cynllun datblygu'r Gymraeg. Dyma gyfle i ddangos ein bod yn ymfalchïo yn yr iaith Gymraeg ac yn barod i'w defnyddio.
Dyma ein Cynnig Cymraeg:
-
Gwasanaeth cwbl Gymraeg. Cwmni Cymraeg yw Adain sydd wedi ei sefydlu i hybu’r Gymraeg ac i godi hyder busnesau i ddefnyddio mwy ar y Gymraeg yn ddigidol.
​
-
Rydym yn cynnig cymorth ac arweiniad gydag ysgrifennu cynnwys ar gyfer eich platfformau digidol, boed hynny yn wefan, yn gyfrifon cyfryngau cymdeithasol neu’r ymgyrch farchnata.
​
-
Mae’n bleser gan Adain i gydweithio efo busnesau a chynnal gweithdai neu hyfforddiant er mwyn codi hyder mewn elfennau o farchnata digidol dwyieithog.
​
-
Gyda dros 20 mlynedd o brofiad yn y maes, mae Adain yn cynnig gwasanaeth marchnata digidol dwyieithog yn cynnwys gwaith gwefan, cyfryngau cymdeithasol, dylunio ac ysgrifennu cynnwys.
​
-
Gallwn gynnig gwasanaeth ymgynghori lle byddwn yn edrych ar wahanol agweddau o’ch presenoldeb digidol a chynnig awgrymiadau ac arweiniad ar sut i wella a chynyddu eich cynnwys digidol dwyieithog.
Mwy am y Cynnig Cymraeg
Ydych chi'n cynnig gwasanaeth Gymraeg ac eisiau derbyn cydnabyddiaeth swyddogol gan Gomisiynydd y Gymraeg?
